|
CIACOLE D'AMOR
Ancora adesso, cara,
al ciaro de la luna
me lasso cocolàr da le parole,
le to parole: brute, o pure bele,
che tegno sconte sempre dentro el cor.
Te me disèi "tesoro", era contento,
te me disèi "somaro" e l'era istesso...
... E la luce ogni sera dei to oci
me par de ritrovarla tra le stele,
che la core coi "Pessi",
le zuga con "l'Ariete",
o la se specia ne l'onda de "l'Aquario"...
L'è sempre belo el ciaro de la luna,
el me compagna sera dopo sera
dentro in un labirinto de ilusioni,
de sogni e fantasie che ò inventà
parchè te giuro, mai...
e l'è la verità,
mai e po' mai, o cara...
mi t'ò desmentegà.
|
